‘पुणे फेस्टिवल’च्या एकपात्री हास्योत्सवात हशा-टाळ्यांची बरसात !

Sep 14, 2016
सदानंद चांदेकर, मकरंद टिल्लू, दिलीप हल्याळ, विश्‍वास पटवर्धन, म्हाळसाकांत कौसडीकर यांचा दमदार सहभाग
 
एमपीसी न्यूज – 28 व्या ‘पुणे फेस्टिवल’चे प्रमुख आकर्षण असलेला ‘एकपात्री कलाकारांचा हास्योत्सवा’ मध्ये सोमवारी हशा-टाळ्यांची बरसात झाली. त्यामुळे बालगंधर्व रंगमंदिर रसिकांच्या प्रतिसादाने दणाणून गेले. 
 
 
नामवंत ज्येष्ठ एकपात्री कलाकार सदानंद चांदेकर, विश्‍वास पटवर्धन, दिलीप हल्याळ, महेंद्र गणपुले, मकरंद टिल्लू  यांच्यासमवेत म्हाळसाकांत कौसडीकर या नवोदित कलाकारांनीही रसिकांची मने जिंकली. ‘हसायदान फाऊंडेशन’च्या सहकार्याने या कार्यक्रमाचे आयोजन करण्यात आले.
एकपात्री कलाकारांना समाजात मिळणारा चित्रविचित्र प्रतिसाद, कार्यक्रमादरम्यान येणारे चाहत्यांचे गमतीदार अनुभव आणि शाळू सोबत्यांचे किस्से सांगून सदानंद चांदेकर यांनी सभागृह डोक्यावर घेतले. ‘आनंद वाटत जगणे हेच श्रेष्ठ जगणे’ असा संदेशही त्यांनी दिला.
‘हसण्यामुळे कलाकार लठ्ठ होतो, आणि हसताना प्रेक्षक सुंदर दिसतात’ असे सांगत दिलीप हल्याळ यांनी घरातील सदस्यांसह अनेक किस्से, विनोद सांगून दाद मिळविली.
‘आवाजांचा बादशहा’ असलेल्या महेंद्र गणपुले यांनी सनई वादनाचा मंगल आवाजापासून सुरुवात करून बप्पी लहरींच्या डिस्को ड्रमपर्यंत अनेक आवाज हुबेहूब काढून रसिकांना चकीत केले. चित्रपटांची गमतीशीर नावे, गाण्यातील अर्थहीन शब्द अशा अनेक विसंगतींवर बोट ठेवत त्यांनी मनोरंजन केले.
युवा एकपात्री कलाकार म्हाळसाकांत कौसडीकर यांनी मराठवाड्यातील लग्नघरी घडणार्‍या गमतीशीर प्रसंगांना स्त्री-पुरुष अशा दोन्ही भूमिकातून जिवंत केले. सदानंद चांदेकर यांनी त्याला रोख बक्षीस दिले. विश्‍वास पटवर्धन यांनी राशींच्या, व्यक्तींच्या गमतीजमती सांगितल्या. मकरंद टिल्लू यांनी खुमासदार सूत्रसंचालन करून रसिकांची मने जिंकली. मोहन टिल्लू यांनी आभार मानले.
ac6903f6038d7f4f30ca2d4aee05487b_l
Read More

अपूर्वा चव्हाण ठरली ‘मिस पुणे फेस्टिवल 2016’ ‘मिस इंडिया स्कूबा इंटरनॅशनल’ वर्षा राजखोवा यांच्या हस्ते सन्मान

Sep 14, 2016
unnamed-38
पुणे :
अपूर्व उत्साहात सोमवारी दुपारी 28 व्या ‘पुणे फेस्टिव्हल’ ची ‘मिस पुणे फेस्टिव्हल’ स्पर्धा रंगली

! ‘अपूर्वा चव्हाण’ यांनी ‘मिस पुणे फेस्टिव्हल’ किताब पटकावला, तर तन्वी खरोटे, सुरभी आगरवाल उपविजेत्या ठरल्या. स्पर्धेचे हे चौथे वर्ष होते.

या स्पर्धेत एकूण 60 स्पर्धक युवती सहभागी झाल्या होत्या. ऑडिशन्स्नंतर 20 स्पर्धकांची निवड करण्यात आली. गणेश कला-क्रीडा केंद्रात झालेल्या या कार्यक्रमाला पुणेकरांनी तुडुंब गर्दी केली. ‘पुणे फेस्टिव्हल’ चे अध्यक्ष सुरेश कलमाडी तसेच संयोजक सुप्रिया ताम्हणे यांची प्रमुख उपस्थिती होती. रॅम्प वॉकलाही उपस्थितांनी टाळ्या वाजवून प्रतिसाद दिला.
‘मिस इंडिया स्कूबा इंटरनॅशनल’ व ‘फॅशन दीवा 2015’ वर्षा राजखोवा प्रशांत गिरकर (चित्रपट दिग्दर्शक), प्रशांत पाटील आणि बंटी देशपांडे (फॅशन डिझायनर) यांनी परीक्षण केले. या कार्यक्रमाचे प्रायोजक ‘धागा डिझायनर स्टोअर’चे अनुपम जोशी, ‘मेक अप अ‍ॅण्ड हेअरस्टाईल संस्कृताज् ब्युटी स्टुडिओ अ‍ॅण्ड स्पा’ हे होते.
एकूण चार फेर्‍या या स्पर्धेमध्ये होत्या. त्यातील ‘रॉयल महाराष्ट्र’-प्रथम फेरी, ‘ब्युटीज् इन ब्लॅक’ -द्वितीय फेरी, ‘हुर ए जन्नत’- तृतीय फेरी तर चौथी फेरी ‘टॉप टेन राऊंड’ अशी होती. ‘मिस इंडिया स्कूबा इंटरनॅशनल’ विजेत्या वर्षा राजखोवा यांच्या हस्ते ‘मिस पुणे फेस्टिव्हल’ चा मुकूट विजेत्या आणि उपविजेत्यांना प्रदान करण्यात आला.
बेस्ट टॅलेंट -दिक्षा रैना, बेस्ट हेअर – रोमा राऊत, बेस्ट  स्माईल- ऐश्‍वर्या देव, मिस फोटोजेनिक इशा कडू, मिस फेव्हरेट -सुरभी आगरवाल म्हणून यांची निवड झाली.
2-10
1-16
Read More

Lavni Mahotsav at the 27th Pune Festival

Sep 23, 2015

Maya Khutegaokar

Archana Javdekar

Sangeeta Lakhe

Maya Khutegaokar 1

 

नाच, गाणं आणि अदाकारीच्या त्रिवेणी संगमाने रसिक चिंब

पुणे- सोडा सोडा राया हा नाद्खुळा .. बाई मी लाडाची ग लाडाची, कैरी पाडाची…, आबा जरा सरकून बसा की जरा…,गेली कुठ घावना, बोलल्या बिगर राव्ह्ना…., तुमच्या पुढ्यात कुटते मी ज्वानीचा मसाला…, अशा एकास एक सरस, नाच, गाणं आणि अदाकारीचा त्रिवेणी संगम असलेल्या लावण्यांनी रसिकांना आज तृप्त केले.

पुणे फेस्टिवल अंतर्गत लावणी सम्राज्ञी संगीता लाखे, अर्चना जावळेकर आणि सहकारी यांचा लावणी महोत्सव २०१५ हा कार्यक्रम कोथरूड येथील यशवंतराव चव्हाण नाट्यगृहात रंगला. रसिकांच्या टाळया, शिट्या आणि वन्समोरने नाट्यगृह दणाणून सोडले.

अर्चना जावळेकर यांच्या ‘दूर उभे का जवळ याना, मला वाटते भीती…, सोडा सोडा राया हा नादखुळा…’, तसेच ‘ही पोरगी साजूक तुपातली…, या कोळी गीतावर केलेल्या नृत्याला प्रेक्षकांनी दाद दिली. संगीता लाखे यांच्या ‘आबा जरा सरकून बसा…’ लाडाची ग लाडाची कैरी पाडाची.., प्राची मुंबईकर य्च्नच्या तुमच्या पुढ्यात कुटते मी, ज्वानीचा मसाला…., आंबा तोतापुरी.. यांसारख्या जुन्या आणि नव्या लावण्याचे बतावणीसह सादरीकरण तसेच ‘फँड्री’चित्रपटातील गाजलेले ‘तुझ्या प्रीतीचा इंचू चावला’ या गाण्यावरील अॅटमसॉंग, लोकगीते यांना प्रेक्षकांनी भरभरून प्रतिसाद दिला.’शांताबाय…या लोकगीतावर सविता दसवडकर यांच्या प्रेक्षकांना घायाळ करणाऱ्या नृत्य अदाकारीने तीन वेळा वन्समोर मिळवत नाट्यगृह दणाणून सोडले. संगीता लाखे, अर्चना जावळेकर, स्वाती दसवडकर, प्राची मुंबईकर या कलावंतांची थिरकलेली पाऊले आणि त्यांच्या लय, अदाकारीने भरलेल्या लावण्या बघण्यासाठी स्रियांनीही गर्दी केली होती.

पुणे फेस्टिवलच्या २५ वर्षांच्या कारकीर्दीचा चित्ररूपी आढावा घेणाऱ्या ‘कॉफी टेबल बुक’ मध्ये अर्चना जावळेकर यांची दोन उत्कृष्ट छायाचित्र आहेत. हे पुस्तक यावेळी अर्चना जावळेकर यांना पोतदार यांच्या हस्ते देवून त्यांचा सत्कार करण्यात आला. इतर कलाकारांचा सत्कार पुणे फेस्टिवल यशवंतराव चव्हाण नाट्यगृहाचे प्रमुख अतुल गोंजारी, तानाजी चव्हाण, नरेंद्र काते व सुहास रानवडे यांच्या हस्ते करण्यात आला. पुणे फेस्टिवलच्या सांस्कृतिक कार्यक्रमांचे समन्वयक मोहन टिल्लू हे यावेळी उपस्थित कलर्स मराठी वाहिनी हे पुणे फेस्टिवलचे मुख्य प्रायोजक आहेत.

Read More

Indradhanu 2013

Sep 7, 2013

LATEST PHOTOS Indradhanu 2013

Read More